తాతయ్య భుజంపై తేజూ.. కనువిందు చేస్తోన్న చిరంజీవి తండ్రి ఫొటో

Samayam Telugu | Updated: 13 Dec 2019, 07:21:00 PM

సుప్రీం హీరో సాయిధరమ్ తేజ్ చిన్నప్పుడు చాలా క్యూట్‌గా ఉన్నాడు. అప్పటికీ ఇప్పటికీ పోలికల్లో పెద్ద తేడా ఏమీ లేదు. ఈ ఫొటోను చూసి మెగా ఫ్యాన్స్ మురిసిపోతున్నారు.

తాతయ్య భుజంపై చిన్నారి సాయి ధరమ్ తేజ్

వెండితెరపై నటిస్తూ ప్రేక్షకులను అలరించే సినీ తారల వ్యక్తిగత జీవితాలకు సంబంధించిన విషయాలపై సాధారణంగానే ప్రేక్షకులకు అమితాసక్తి ఉంటుంది. వారి జీవన శైలి, సంబంధాలు, ప్రైవేట్ ఫొటోలు వీడియోలు.. ఇలాంటి వాటి గురుంచి తెలుసుకోవడానికి ఎక్కువగా ఆసక్తి చూపిస్తూ ఉంటారు. ఈ విషయం స్టార్లకు కూడా బాగా తెలుసు కాబట్టే తమ అభిమానులను, ప్రేక్షకులను సంతోషపెట్టడానికి సోషల్ మీడియా ద్వారా తమ వ్యక్తిగత ఫొటోలను షేర్ చేస్తూ ఉంటారు.

అయితే, సుప్రీమ్ హీరో సాయిధరమ్ తేజ్ తాజాగా ఒక ఫొటోను ఇన్‌స్టాగ్రామ్‌లో పోస్ట్ చేశారు. ఈ ఫొటోకు ఒక ప్రత్యేకత ఉంది. ఇందులో మెగాస్టార్ చిరంజీవి తండ్రి అంటే సాయిధరమ్ తాతయ్య కొణిదెల వెంకట్రావు కూడా ఉన్నారు. అది తేజూ చిన్ననాటి ఫొటో. ఈ ఫొటొలో తాతయ్య భుజంపై టీవీగా కూర్చొని చాలా ధీర్ఘంగా ఏదో చూస్తున్నాడు చిన్నారి తేజూ. బుజ్జిబుజ్జిగా భలే ముద్దుగా ఉన్నాడు. ఇక ఆయన తాతయ్య వెంకట్రావుగారు సైతం చేతిలో టీ గ్లాస్ పట్టుకుని ఎవరో చెప్తున్న విషయాలను చాలా సీరియస్‌గా వింటున్నట్టు ఉంది.

Also Read:సానియా మీర్జా చెల్లెలి రిసెప్షన్‌లో రామ్ చరణ్ సందడి

ఇంత అందమైన ఫొటోకు ఇన్‌స్టాగ్రామ్‌లో అంతే అందమైన కామెంట్లు వస్తు్న్నాయి. చిరంజీవి పెద్ద కుమార్తె సుష్మిత స్పందిస్తూ.. ‘‘చాలా క్యూట్‌గా కనిపిస్తున్నావ్ తేజ్. మన కుటుంబంలోనే అత్యంత అందమైన వ్యక్తి తాతయ్య’’ అని కామెంట్ చేశారు. అలాగే, నిహారిక కూడా ‘సో బ్యూటిఫుల్’ అని కామెంట్ పెట్టారు. సాయితేజ్ హీరోయిన్ రాశీ ఖన్నా సైతం స్పందించారు. ‘‘సో క్యూట్ తేజ్’’ అని కామెంట్ చేశారు. మొత్తం మీద తాతయ్య భుజంపై చిన్నారి తేజ్ మెగా అభిమానులకు, ప్రేక్షకులకు కనువిందు చేస్తున్నాడు.